Tose Fan Radio Admin
Posts : 439 Join date : 2010-08-17
| Subject: Амбасадата на РМ во Хрватска ја одбележува годишнината од смртта на Тоше Wed Oct 12, 2011 9:07 pm | |
| Амбасадата на Република Македонија во Хрватска, во соработка со Меѓународната Фондација „Тоше Проески“ - Крушево, Бродско – посавската жупанија и Градот Нова Градишка организираат повеќе настани посветени на годишнината од трагичната смрт на македонската музичка ѕвезда Тоше Проески. Активностите почнаа денеска, со одржување на парастос, во католичката црква „Св.Терезија“ во Нова Градишка, што го одржа протојереј Кирко Велински, свештеник на Македонката православна црква во Република Хрватска. Продолжувајќи ја неколку годишната традиција, утре ќе почне традиционалниот Мега маратон од Нова Градишка до Крушево, што ќе стартува во 06 часот и 05 минути, од пред спомен обележјето „Тоше Проески“, што минатата година беше поставено пред Електротехничкото училиште, местото од каде пред четири години беа пренесени посмртните останки на Проески, информираат од македонската Амбасада во Загреб. На 14 октомври, програмата ќе продолжи со полагање венец пред спомен обележјето „Тоше Проески“, од страна на градоначалникот на Нова Градишка, Јосип Вуковиќ и амбасадорот Дано Марковски, а во вечерните часови ќе се одржи музички концерт во чест на Тоше Проески, на кој ќе настапи македонската рок група „Леб и сол“, Ламбе Алабаковски и хрватската поп – рок група „Русвај“. Одбележувањето на годишнината од смртта на Тоше Проески ќе заврши на 15 октомври, за кога е закажан ракометен натпревар на ветерани од Нова Градишка и од Република Македонија, а неколкудневната програма ќе се заокружи со традиционална македонска вечер, на која ќе се служи македонска храна и вино, а ќе настапи и македонскиот уметник Арчи, потврдија од македонската Амбасада во Хрватска. | |
|