Времено ангажираните лица во Спомен куќата “Тоше Проески” во Крушево, остануваат на работа

За само еден час е надминат проблемот што утринава го иницираа времено ангажираните лица за работа во Спомен куќата на “Тоше Проески”, кои реагираа на Одлуката за прекин на нивниот работен ангажман, кој се случил заради истекот на законскиот рок, како и на неисплатените надоместоци за неколку месеци.


Директорката на Спомен куќата, Калиопи Бојчевска, по итните преговори со ресорното Министерство, телефонски не информираше дека најдено е решение и за двете прашања.

Според Бојчевска, целата екипа, 9-те мина вработени и 17- те времено ангажирани работници остануваат на работа, а Спомен куќата продолжува да работи по вообичаенто работно време.