Македонија се сеќава на Тоше

Само тој можеше со два збора да ги расплаче сите, од среќа, од љубов. Еден и единствен. Тоше. Момчето родено во снежно Крушево, блесна со својот глас, појава и скромност. Стана ѕвезда, зошто бил предодреден да биде на врвот. Денеска ќе наполнеше 31 година.



За нашиот Тоше сите потврдија дека е вон временски и како човек и како уметник. Големата Џана Нанини со која во дует ја отпеа песната арија, рече дека Павароти можел да му позавиди на гласот.

Негова прва љубов беше оперското пеење. Остануваа занемени вчудовидени сите кога ќе го слушнеа какао пее некоја позната арија.

Во негова чест во саботата се одржа хуманитарен концерт насловен – Неговите арии. Оперски пејачи од Балканот ги пееја песните на Тоше со нови аранжмани, во стилот на класичната музика.
Но никој не успеа да го натпее македонскиот Орфеј.

Тоше беше ѕвезда во Македонија, на Балканот, во Европа. Точно пред 5 години одржа спектакуларен концерт во белградска Арена и успеа по Здравко Чолиќ и Бајага да ја наполни салата до последното место.