Балканот ќе пее за Тоше

На четвртата годишнина од смртта на Тоше Проески, Радио Телевизија Србија во недела на 16.октомври на првата програма од 21 часот ќе ја емитува специјалната емисија под името "Балкан - сеќавање на Тоше", посветена на трагично починатиот пејач.



По четири месечните подготовки, РТС влегува во завршната фаза на емисијата "Балкан - сеќавање на Тоше", која на едно место ќе ги собере бројните големи музички имиња од Србија, Македонија, Хрватска, Словенија, Босна и Херцеговина и Црна Гора. Песните на покојниот Тоше Проески ќе ги изведат неговите колеги и пријатели.

Јелена Илиќ како уредник на проектот, изјавила дека проектот од ваков размер е потполно некомерциjaлен и поради тоа е еден и единствен според сите барања и единствено е возможна негова реализација во РТС.

Песните на Тоше ќе ги пеат: Аки Рахимовски, Хари Варешановиќ, Тони Цетински, Сергеј Четковиќ, Александра Радовиќ, Марија Шерифовиќ, Јелена Томашевиќ, Ања Рупел, Антонија Шола, Бора Дугиќ, Нина Радојчиќ, Саша Ковачевиќ, Борис Режак и Мари Мари, а ќе бидат проследени од оркестарот на РТС.

Во програмата ќе биде емитуван и документарен материјал снимен оваа година во Македонија, односно во родното место на Тоше Проески Крушево и во Скопје.