Тоше Проески на 12 место на „Еуро видео гранд при“ (4/06/2006)

Спотот „По тебе“ од последниот албум на мегаѕвездата Тоше Проески се пласира на 12 место на манифестацијата „Еуро видео гранд при“, што завчера се одржа во Тирана, Албанија. За најдобар видеоспот се бореа претставници од 26 држави.

Оваа манифестација, која годинава се одржа прв пат, важи за Евровизија на видеоспотови. На изборот триумфираа спотот за чешката Silver Bell - Merry Christmas на Рајнхолд Билгери и спотот за Le Forze del Destino на Украинката Олена Гребенјук, кои освоија по 19 поени.

Интересно е што на второто место се пласира домаќинката Гента Исмаили, која пееше песна од нашиот Дарко Димитров, а спотот е во издание на скопската продукција „Фабрика“. Хрватската евровизиска претставничка Северина со „Моја штикла“ го освои четвртото место.